روس الجبال العوالي
يالله يالله انته صاحب القدره == يافرد منان يامعبود رحماني
اغفر ذنوبي وفك العسر باليسره == ووفق العبد في توبه وغفراني
والضيق والضلم يالله كفنا شره == واهدنا انت يامولا ومناني
وصل يالله علا من طاب لي ذكره == محمد المصطفى طه وعدناني
ماسبح الطير في الاصباح والبكره== وما لمع برق والامزان شناني
قال ابن فاضل ساعطي هاجسي قدره ==واركبه ميج او ميراج بالعاني
ووجهه في مهمه يلقي النضره == اشتي يفقد جميع الناس باوطاني
اعبر في الحال يامرسال في البكره == واستطلع اجواك في خطك وسر ساني
ولا توقف سوا في ارضنا الحره == ارض العروبه وارض الجد قحطاني
كل العرب منسبا ترجع الا ذكره ==ذي ما اتو منها ماهم بعرباني
تاريخ ارض السعيده باهي الصوره == تاريخ يحكي وباقي طول الازماني
تبع وحمير هنالك قد بنا قصره == وعرش بلقيس باقي للتبياني
وذي يزن من ملوك المجد والشهره == بشامخ العود باقي صرح قتباني
كل الشوامخ تؤكد ماضي السيره == روس الجبال العوالي دام عنواني
ياسفح اّزال صنعاء الغاليه الحره == غني معيا وجودي لي بالالحاني
يامنبع الحب والاحلام والعشره == دمتي عزيزه ودام العز ذي باني
صنعاء الحبيبه بها الخيرات موفوره == والحب واللود هو في سفحها ثاني
للرق والذوق كم بها عندها فكره == ياناس ياخلق تاج الحب صنعاني
وفي عدن احتها ان تلقي النضره == وجدت فيهل جمال في كل بستاني
يالساحل اشهد واشهد ياربا صيره ==وكلم الناس عن شكلك والا لواني
يالشيخ عثمان بالله انقل الصوره ==وبثها حي للقاصي وللداني
واعلم بحب المعلا ساعت النشره == من سوقنا الحر انقل بث مجاني
ياملتقى الحب كم عندش من الشهره == بلبل عدن حين سمعته زاد شجاني
وءاب الخضر قده مشهور بالخضره == مامثلها قط لو مريت الاكواني
جبالها لابسه اخضر ومخضوره == والمزن طول السنه وافر وشناني
فريده اللون للاحباب ميسوره == وللنغم والمحبه شوق فتاني
وايضا تعز ذي لها الابيات مسطوره == واللود موجود فيها حط برهاني
والفرسك اخضر علا شامخ صبر سوره == حيث البلس والسفرجل فوق الاغصاني
وفي المكلا رايت الورد منثوره == ولوحت الحب فيها والوفاء باني
غنه باطراب للوحده وللثوره == وعانقه كل ساحل داخل اوطاني
وقصر سيئون ذي بالفخر مفخوره == يحكي عن المجد اسواره وجدراني
ياسد مارب ويامن كان اصطوره == اليوم قد عاد يسقي كل ودياني
كل المزارع قدي بالخير موفوره == والناقلات الكبيره تحمل اطناني
هاتو لي الليم واللشمام معصوره == والبرتقال اليماني جنب رماني
واما الحديده فهي بالنور منووره == عروسه البحر يامن عاشها هاني
وادي تهامه اتا دعمه وجاء خيره == والشعب يجني محاصيله بالالواني
وحضرموت التي بالعز مغموره == غنه باطراب في زفه وهيداني
وفي سمرها طرب من كل عصفوره == حتى البلابل تجيد اللحن والداني
والحب موجود والاوكار موكوره ==والخير موفور والديوان ديواني
الخب للارض باقي زاهيا نوره == داخل فؤادي واحساسي ووجداني
ان اليمن ارضنا في الخير مسروره== والعز والمجد في الاّفاق مكناني
والدين لله لا نعبد ابد غيره == ذي هو على العرش متعالي ورحماني
وصل يالله علا من طاب لي ذكره == محمد المصطفى طه وعدناني
ماسبح الطير في الاصباح والبكره == وما لمع برق والامزان شناني
شرف الدين ناجي فاضل